काठमाडौं । दशकौं पुरानो ब्याट्री निर्माता कम्पनी एभरेडीमा उथलपुथल आएको छ । ब्याट्री बनाउने भारतकै पुरानो कम्पनी एभरेडीका अध्यक्ष आदित्य खेतान र सीएमडी अमृतांशु खेतानले राजीनामा दिएका छन् । अब डाबर इन्डियाले यो कम्पनीलाई टेकओभर गर्न सक्ने बताइएको छ ।

फेब्रुअरी २८ मा डाबर इन्डियाको प्रर्वद्धक बर्मन परिवारले स्टक एक्सचेन्जलाई कम्पनीको २६ प्रतिशत सेयर किन्ने जानकारी दिएको थियो । यो सम्झौता ६०४ करोड भारतीय रुपैयाँ (करीब १० अर्ब नेपाली रुपैयाँ) को हुन सक्ने बताइएको छ। कम्पनीले हालै खुला अफर ल्याएको छ ।

खुला प्रस्ताव भन्नाले के बुझिन्छ ?

बजार नियामक सेबीको नियमअनुसार कम्पनीको २५ प्रतिशतभन्दा बढी शेयर किन्न खुला प्रस्ताव गर्नुपर्छ । कम्पनीले यो अफर ५.२६ प्रतिशतमा ल्याउनेछ । यसपछि एभरेडीमा उनको सेयर २५.११ प्रतिशत हुनेछ । फरच्युन इण्डियाको रिपोर्टअनुसार अमृतांशु खेतानले भनेका छन्–‘कम्पनीको सबैभन्दा ठूलो शेयर हिस्सेदारको रूपमा, बर्मन परिवारले अब कम्पनीको व्यवस्थापन नियन्त्रण लिनेछ र कम्पनीलाई नयाँ नेतृत्व र निर्देशन प्रदान गर्न आफ्नो रुचि प्रकट गरेको छ, मैले बोर्डबाट राजीनामा दिनु उपयुक्त हुन्छ।’

सुवामोय साह नयाँ एमडी

कम्पनीले स्टक एक्सचेन्जलाई दिएको जानकारीमा अहिले नयाँ एमडीको जिम्मेवारी सुवामोय साहले सम्हाल्ने बताएको छ । बजार नियामक सेबीको नियमअनुसार कम्पनीको २५ प्रतिशतभन्दा बढी शेयर किन्न खुला प्रस्ताव गर्नुपर्छ । कम्पनीले यो अफर ५.२६ प्रतिशतमा ल्याउनेछ । यसपछि एभरेडीमा उनको सेयर २५.११ प्रतिशत हुनेछ ।

ऋण संकट

एभरेडीसँग आर्थिक वर्ष २०२१ सम्म ठूलो ऋण रहेको थियो । एभरेडीको ४१८ करोड रुपैयाँ ऋण रहेको थियो । बैंकले ऋण असुली गर्न वाचा गरी खेतानको कम्पनीको शेयर बेचेका थिए । जसमा बर्मन ग्रुपले ओपन अफरमा ५.२६ प्रतिशत सेयरको लागि १२२.३० करोड रुपैयाँ लगानी गरेको थियो । तर, अब बर्मन ग्रुपको डाबरले कम्पनी टेकओभरको तयारी सुरु गरेको रिपार्टमा बताइएको छ । अनुवाद गरिएको