काठमाडौं । रोजगारी अनुपालन, जीवनयापन लागत, पूर्वाधार र जीवनयापनसँग सम्बन्धित कारकहरू मूल्याङ्कन गरेर शहर वा देशभन्दा बाहिर टाढाका कामदारहरूका लागि कुन शहर सबैभन्दा पहुँचयोग्य र आकर्षक छन् भनेर एक विश्वव्यापी अध्ययन गरिएको छ ।
विश्वव्यापी रोजगार विशेषज्ञ वर्कमोसन डटकम (workmotion,com) ले गरेको अध्ययनले स्थानीय रोजगारी कानूनहरू तथा सहजताको विश्लेषण गर्दै टाढाका कामदारहरूका लागि ८० विश्वव्यापी शहरहरूको आकर्षणलाइ श्रेणीबद्ध गरेको छ । वर्कमोसनले अध्ययनमा कम्पनीहरूलाई विश्वको जुनसुकै ठाउँबाट कामदारहरु लिन सहजता, टाढाका कामदारहरुका लागि कार्य अनुपालन नियमहरू, जीवनको लागत, पूर्वाधार र जीवनयापनको आधारमा श्रेणी निर्धारण गर्ने निर्णय गरेको थियो ।
यसका लागि वर्कमोसनले शहरहरुको अवस्था र प्रवृतिहरू चित्रण गर्नको लागि टाढाका कामदारहरू हाल कहाँबाट काममा लगाइएका छन् भनेर अध्ययन गरेको थियो । नतिजा सूचकांले कुन शहरहरूले टाढाको काम गर्नेहरूलाई राम्रोसँग सुविधा दिइरहेका छन् र कुन टाढाका कामदारहरूलाई स्थानान्तरण गर्नका लागि सबैभन्दा आकर्षक छन्, साथै हालको टाढाका कामदारका प्रकारहरु प्रस्तुत गरेको छ ।
८० शहरहरूमध्ये टाढाको कामदारलाई सहज रहेका शीर्ष १० शहरहरूको परिणामहरूको सूची जारी गरिएको छ । जसमा सबै स्कोरहरू १०० मा मापन गरिएको छ । अध्ययनमा १०० उच्चतम सम्भावित स्कोर र ५० सबैभन्दा कम स्कोर मानिएको थियो ।
शीर्ष १० शहरहरू :
१. मेलबोर्न १००
२. मोन्ट्रियल ९८.२०
३. सिड्नी ९७.७६
४. वेलिंगटन ९७.६८
५. प्राग ९५.२९
६. टोरन्टो ९४.०९
७. टालिन ९३.२७
८. जाग्रेब ८९.१७
९. सिंगापुर ८८.६३
१०. डब्लिन ८७.५३