सरकारले आगामी आर्थिक वर्ष २०७८/७९को लागि १६ खर्ब ४७ अर्ब ५७ करोड रुपैयाँ बराबरको बजेट ल्याएको छ ।
अर्थमन्त्री विष्णुप्रसाद पौडेलले चालु तर्फ ६ खर्ब ७८ अर्ब ६१, पुँजीगततर्फ ३ खर्ब ४७ अर्ब २६ करोड, वित्तीय व्यवस्थातर्फ २ खर्ब ७ अर्ब ९७ करोड र वित्तीय हस्तान्तरणतर्फ ३ खर्ब ८६ अर्ब ७१ करोड रुपैयाँ बजेट विनियोजन गरेका हुन्।
यसैगरी सरकारले आगामी आर्थिक वर्ष २०७८/७९मा १० खर्ब २४ अर्ब रुपैयाँ राजस्व उठाउने लक्ष्य लिएको छ अर्थमन्त्री विष्णुप्रसाद पौडेलले आगामी आर्थिक वर्षको बजेटका लागि राजस्वबाट सवा १० खर्ब स्रोत बेहोर्ने लक्ष्य लिएका हुन् ।
राजस्व परिचालनबाट अपुग हुने स्रोतका लागि सरकारले अनुदान र ऋणबाट पूर्ती गर्ने छ । आगामी आवमा वैदेशक अनुदान ६३ अर्ब ३७ करोड परिचालन गरिने, २ खर्ब ५० आन्तरिक ऋण र ३ खर्ब ९ अर्ब बाह्य ऋण परिचालन गरिने अर्थमन्त्रीे लक्ष्य राखेका छन् ।
