काठमाडौं । काठमाडौं महानगरपालिकाले महानगरभित्र बसोबास गर्ने सबैको निःशुल्क मिर्गौला जाँच अभियान सञ्चालन गर्ने भएको छ ।
काठमाडौं महानगरपालिका र मिर्गौला बचाऔं अभियानको संयुक्त प्रयासमा अभियान चलाउन लागिएको महानगरले जनाएको छ । अभियान फागुन ५ गतेदेखि ६ महिनासम्म चल्नेछ ।
अभियानअन्तर्गत महानगरमा बसोबास गर्नेले महानगरपालिकाले सञ्चालन गरेको वडास्थित सामुदायिक सहरी स्वास्थ्य क्लिनिकमा गई पिसाब परीक्षण गराएर मिर्गौलाको जाँच गराउन सक्नेछन् ।
