काठमाडौं । नेपाली बजारमा साताको पहिलो दिन आज (आइतबार) सुनचाँदीको मूल्यमा वृद्धि भएको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा ६ सयले बढेर प्रतितोला ९० हजार ६ सयमा कारोबार भइरहेको छ ।
यसअघि शुक्रबार छापावाला सुन तोलाको ९० हजारमा कारोबार भएको थियो । त्यस्तै आइतबार तेजावी सुनको मूल्य प्रतितोला ९० हजार १५० रहेको छ ।
त्यसैगरी आज चाँदी प्रतितोला २० रुपैयाँले बढेर १३ सय १० मा कारोबार भइरहेको महासंघले जनाएको छ ।
