काठमाडौं । बैंकिङ कसुर मुद्दाका फरार प्रतिवादी ललितपुरको महालक्ष्मी नगरपालिका–६, इमाडोल बस्ने ५५ वर्षीय मणिकुमार थापालाई प्रहरीले पक्राउ गरेको छ । उनलाई कोटेश्वरबाट पक्राउ गरिएको हो ।
थापाले घर्–जग्गाको काम गर्ने सिलसिलामा विभिन्न व्यक्तिहरुसँग रकम लिई सोबापत विभिन्न बैंकको चेक काटिदिने र सोपश्चात् बैंकमा पैसा जम्मा नगरी सम्पर्कविहीन हुने गरेको पाइएपछि पक्राउ गरिएको महानगरीय अपराध महाशाखाले जनाएको छ ।
अनुसन्धानको क्रममा थापा महानगरीय प्रहरी परिसर काठमाडौं, महानगरीय प्रहरी परिसर ललितपुर र महानगरीय प्रहरी वृत्त सातदोबाटोमा बैंकिङ कसुर मुद्दामा समेत फरार रहेको खुल्न आएको महाशाखाले जनाएको छ ।
