काठमाडौं । बेलायतमा फेला परेका कोरोना भाइरसको नयाँ प्रजाति ७० देशमा फैलिएको विश्व स्वास्थ्य संगठनले जनाएको छ । आफ्नो साप्ताहिक रिपोर्ट सार्वजनिक गर्ने क्रममा  विश्व स्वास्थ्य संगठनले यस्तो जानकारी दिएको छ । 

पुरानो भाइरसभन्दा बढी खतरनाक रहेको भन्दै थथ सतर्कता अपनाउन  विश्व स्वास्थ्य संगठनले आग्रह गरेको छ । विश्व स्वास्थ्य संगठनका अनुसार सुरुमा तीब्र गतिमा नयाँ प्रजातिको भाइरस फैलिएको युरोपका बेलायत, डेनमार्क, आयरल्याण्ड, नेदरल्याण्ड लगायतका मुलुकमा संक्रमण दर घट्न थालेको छ । 

पहिलेको तुलनामा संक्रमणको दर गतसाता १५ प्रतिशतले घटेको विश्व स्वास्थ्य संगठनले जनाएको छ । विश्व स्वास्थ्य संगठनको रिपोर्ट अनुसार 

गतसाता विश्वभर करिब ४१ लाख संक्रमित थपिएका छन् । गतसाता कोरोनाले सबैभन्दा धेरै मृत्यु अमेरिकामा भएको छ ।