काठमाडौं । सन् २०२८ सम्ममा अमेरिकालाई पछि पार्दै संसारको सबैभन्दा ठूलो अर्थतन्त्र भएको देश बन्ने प्रक्षेपणसहितको प्रतिवेदन शनिबार बेलायतमा सार्वजनिक गरिएको छ ।
बेलायतमा कार्यालय रहेको सेन्टर फर इकोनोमिक्स एण्ड विजनेस रिसर्च (सीईबीआर) ले चीनले यसअघिको आंकलन भन्दा ५ वर्ष अगाडि नै अमेरिकालाई पछि पार्दै संसारको सबैभन्दा ठूलो अर्थतन्त्र भएको देश बन्ने प्रक्षेपण गरेको हो ।
उसले छ कि कोरोना महामारीको समय र त्यसपछि तीनको व्यवस्थापकीय कुशलताका कारण आगामी वर्षहरुमा अमेरिका र युरोपीय देशको तुलनामा उसले सापेक्ष विकास बढाउनेछ ।
यो प्रतिवेदनको अर्को मुख्य कुरा भनेको सन् २०३० सम्ममा भारत विश्वको तेस्रो ठूलो अर्थतन्त्रको रुपमा उदाउने प्रक्षेपण गरिनु पनि हो । सीईबीआरले हरेक वर्ष बक्सिङ डे अर्थात क्रिसमस डेको भोलिपल्ट विश्वभरको आर्थिक प्रतिवेदन सार्वजनिक गर्ने गर्छ ।
निश्चित रुपमा कोरोना भाइरसको पहिलो पहिचान चीनमै भएको थियो । तर चीनले कोरोना नियन्त्रणका लागि अपनाएका कठोर उपायहरुकै कारण उसले अर्थतन्त्रलाई धरासायी बनाउने लकडाउनजस्ता गतिविधि पटक पटक गर्नुपरेन, जसरी युरोपेली देशहरुमा भइरहेको छ ।
यसको परिणामस्वरुप चीनले मुख्य अर्थव्यवस्था भएका अन्य मुलुकभन्दा विपरिथ सन् २०२० मा आर्थिक मन्दीबाट आफूलाई बचाएको छ र यो वर्ष झन्डै २ प्रतिशतको आर्थिक बृद्धिको प्रक्षेपण गरेको छ ।
