काठमाडौं । प्रधानमन्त्री केपी शर्मा ओलीले मन्त्रिपरिषद बैठक बोलाएका छन् । ओलीले बिहान साढे १० बजेका लागि बैठक बोलाएपछि अहिले मन्त्रीहरु बालुवाटार पुग्दैछन् ।
हरेक हप्ताको सोमबार र विहिबार नियमितरुपमा मन्त्रिपरिषद बैठक बस्ने गरे पनि सोमबार बसेको थिएन । सोमबार नबसेको बैठक अहिले बस्न लागेको र आजको बैठकमा समसामयिक विषयमा छलफल गरिने एक मन्त्रीले जानकारी दिए ।
यसअघि प्रधानमन्त्री निवास बालुवाटारमा संवैधानिक परिषद्को बैठक बसेको थियो । गणपूरक संख्या नपुगेपछि साँझ ५ बजे बस्नेगरि बैठक स्थगित गरिएको छ ।
यसअघि आइतवार बैठक बोलाइएपनि गणपूरक संख्या नपुगेपछि बैठक बस्न सकेको थिएन ।
