काठमाडौं । आईतबार देशभर थप १ हजार ९६ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १ हजार ९६ जनामा कोरोना पुष्टि भएको छ। यीसहित हालसम्म संक्रमित हुनेको कुल संख्या २ लाख ४० हजार ९ सय ८१ पुगेको छ।
पछिल्लो २४ घण्टामा १ हजार ७ सय ५२ जना निको भएर फर्किएका छन्। योसहित कोरोनाबाट निको हुनेको संख्या २ लाख ५४ हजार ८ सय ५ पुगेको छ।
त्यस्तै, यसको संक्रमणबाट थप १७ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या १ हजार ५ सय ९४ पुगेको छ।
हाल देशभर सक्रिय संक्रमितको संख्या १३ हजार ५ सय ८२ रहेको छ। निको हुनेको संख्या ९३ दशमलव ७ प्रतिशत रहेको मन्त्रालयले जनाएको छ।
पछिल्लो २४ घण्टामा ६ हजार बढीको पिसिआर परीक्षण भएको छ। हालसम्म १७ लाख ८४ हजार बढीको पिसिआर परीक्षण भएको छ।
