काठमाडौं । नेपाल राष्ट्र बैंकले स्थिर ब्याजदरको समय सीमा तोकेको छ । राष्ट्र बैंकले मौद्रिक नीतिको त्रैमासिक समिक्षामार्फत स्थिर ब्याजदरको समयसिमा तोकेको हो । यसअघि बैंकले निर्देशनमार्फत व्यक्तिगत आवधिक कर्जाको स्थिर ब्याजदर राख्नुपर्ने व्यवस्था गरेपनि त्रैमासिक समिक्षामार्फत समयसिमा नै निर्धारण गर्न सकिने व्यवस्था गरेको हो ।
जस अनुसार बैंकहरुले परिचालन गर्ने स्रोतका आधारमा अब स्थिर ब्याजको समय अवधि तोकिने छ । अहिलेसम्म नेपालमा बढिमा १० बर्षसम्मको ऋणपत्र जारी भएका छन । निक्षेप पनि बढिमा ४÷ ५ बर्षको मात्र छ । मौद्रिक नीतिले स्पष्ट रुपमा बर्ष निर्धारण नगरेपनि बैंकहरुले स्रोतको अधिकतमसीमामा रहर बढिमा १० बर्षसम्मको स्थिर ब्याजदर तोक्न सक्नेछन् ।
यसैगरी राष्ट्र बैंकले कोभिडले असर परेका ऋणीहरुको धितो लिलाम गर्न नमिल्ने व्यवस्था गरेको छ । विशेषगरी ६ महिनाभन्दा बढिको ब्याज बक्यौता नरहेको अवस्थामा धितो लिलामीजस्ता प्रकृया केही समयसम्का लागि स्थगन गर्न राष्ट्र बैंकले मौद्रिक नीतिमार्फत भनेको छ । जस अनुसार गत जेठसम्म ऋण तिरेका ऋणीहरुको धितो लिलाम हुनेछैन ।
