काठमाडौं ।नेपालको दुई दिने भ्रमणका लागि भारतीय विदेश सचिव हर्षवर्द्धन श्रींगलाले आज काठमाडौँ आउदै छन् ।
पराराष्ट्र मन्त्रालयका आनुसार मंसिर ११ र १२ गते (नोभेम्बर २६ र २७) हुने यस भ्रमण नेपाल र भारतबीच उच्च स्तरीय भ्रमणको आदानप्रदानको निरन्तरता रहेको छ ।
भ्रमणको पहिलो दिन विदेश सचिव श्रींगलाले नेपाल र भारतका दुइपक्षीय सहयोगका विषयमा छलफल गर्ने छन् भने सोहि दिन दुई देशका प्रतिनिधिबीच उच्चस्तरीय बैठक समेत हुने छ ।
भ्रमणका अवसरमा उनले कोरोना रोकथामसम्बन्धि सहयोग सामग्रीसमेत हस्तान्तरण गर्ने कार्यक्रम रहेको परराष्ट्र मन्त्रालयले जनाएको छ ।
केहि साता अघि भारतीय सेनाध्यक्ष जनरल मनोज मुकुन्द नरवणेले गरेको भ्रमण पछि भारतीय उच्चस्तरीय अधिकारीको यो भ्रमणलाई अर्थपूर्ण रुपमा हेरिएको छ ।
नेपाल र भारतबीच कालापानी, लिम्पियाधुरा र लिपुलेकको सीमा विवाद लगायतमा रहेको विवादक बारेमा यस अघि भारत वार्तामा बस्न आनाकानी गरिरहेका बेला भारतीय पक्षबाट भइरहेका यस किसिमका उच्चस्तरीय भ्रमणले वार्ताको वातावारण बनाउने विश्वास गरिएको छ । तर दुवै सरकारले भ्रमणको स्पष्ट एजेन्डा बारे स्पष्ट गरेका छैनन् ।
