काठमाडौं । मन्त्रिपरिषदको नियमित बैठक अहिले बस्दैछ । प्रधानमन्त्री केपी ओलीले बिहीबार बिहानै मन्त्रिपरिषद बैठक बोलाएका हुन् ।
प्रधानमन्त्रीले नियमित एजेन्डामा छलफलका लागि बालुवाटारमा बैठक बोलाएको एक मन्त्रीले जानकारी दिए ।
प्रधानमन्त्रीले ९ बजेका लागि बैठक बोलाएको ति मन्त्रीको भनाइ छ । मन्त्रालयबाट आउने नियमित एजेन्डामा छलफल र निर्णय हुनेछ ।
राष्ट्रियसभा सदस्यको रुपमा मनोनित सत्तारुढ नेपाल कम्युनिस्ट पार्टी (नेकपा) उपाध्यक्ष वामदेव गौतमलाई सर्वोच्च अदालतले बुधबार सफाइ दिएपछि बस्न लागेको मन्त्रिपरिषद् बैठकलाई महत्वका साथ हेरिएको छ ।
नेकपा भित्रको विवाद समाधानका लागि वामदेवलाई सरकारमा महत्वपूर्ण जिम्मेवारी दिएर अगाडि बढ्ने विषयमा यसअघि नै प्रधानमन्त्री ओली सकारात्मक बनेका छन्।
