काठमाडौं । नेपालमा कोरोनाबाट मृत्यु हुनेको संख्या १ हजार नाघेको छ। पछिल्लो २४ घण्टामा मृतक थप २० जनामामा कोरोना संक्रमण पुष्टि भएसँगै हालसम्म नेपालमा कोरोनाबाट मृत्यु हुनेको संख्या १ हजार ४ पुगेको हो ।
यस्तै नेपालमा मंगलबार थप ३ हजार १ सय १४ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३ हजार १ सय १४ जनामा संक्रमण भएको हो।
योसँगै अहिलेसम्म नेपालमा संक्रमण हुनेको संख्या १ लाख ७९ हजार ६ सय १४ पुगेको छ।
पछिल्लो २४ घण्टामा ३ हजार १ सय ४२ जना निको भइ घर फर्केका छन्। निको हुनेको संख्या एक लाख ४१ हजार १ सय ३४ पुगेको मन्त्रालयले जनाएको छ।
हाल देशभर सक्रिय संक्रमितको संख्या ३७ हजार ४ सय ७६ रहेको छ। हालसम्म १४ लाख ८० हजारको पिसिआर परीक्षण भएको छ।
