काठमाडौं । पछिल्लो २४ घन्टामा नेपालमा ५ सय ७० जनामा कोरोना भाईरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार दिएको जानकारीअनुसार विभिन्न जिल्लामा उक्त संख्यामा संक्रमित थपिएका हुन्।
मन्त्रालयका अनुसार २४ घन्टामा ३ हजार १ सय ६८ जना कोरोनाबाट निको भएका छन् भने १४ जनाले ज्यान गुमाएका छन्। मंगलबारसम्म नेपालमा १ लाख ६० हजार ४ सय जनामा कोरोना संक्रमण देखिएको छ भने तीमध्ये १ लाख १८ हजार ८ सय ४३ जना निको भएका छन्।
अहिलेसम्म कोरोनाबाट ८ सय ७६ जनाले ज्यान गुमाएका छन्।
