काठमाडौं । खाद्य व्यवस्था तथा व्यापार कम्पनी लिमिटेडले आजबाट दशैँका लागि खसीबोका बिक्री गर्दैछ ।
आइतबार बजारमा खसी बोकाको मूल्य विश्लेषण गरेर साँझसम्ममा खसी बोकाको मूल्य निर्धारण गरिएको र आजबाट विक्री खुल्ला गर्न लागिएको कम्पनीका विभागीय प्रमुख श्रीमणिराज खनालले बताए । कम्पनीले शनिबार दुई सय खसीबोका काठमाडौँ ल्याएको छ । यो बर्ष कम्पनीले च्यांग्रा भने बिक्री नगर्ने खनालले जानकारी दिए ।
संस्थानले बजारमूल्य भन्दा किलोमा प्रतिकिलो करिब १०० रुपैयाँ सस्तोमा बिक्री गने निर्णय गरेको छ ।
‘मूल्य निर्धारण गर्नुअगाडी सबै बजार विश्लेषण गर्यौं, बजारमा साढे ६ सय किलोसम्म बिक्री गरेको देखियो,’ कम्पनीका बिक्री वितरण विभाग प्रमुख भिम थापाले भने, ‘खाद्य कम्पनीले सर्वसाधरणलाई प्रतिकिलो साढे ५ सय रुपैयाँमा बिक्री गर्ने निर्णय गरेको छ ।’
दसैंलाई लक्षितगरी खाद्यले हरेक वर्ष खसीबोका तथा च्याङग्रा बिक्री गर्दै आएको छ । खाद्यले बिक्री गर्ने खसीबोकाको संख्या न्यून रहेपनि मुख्य उद्देश्य बजार हस्तक्षेपरमूल्य नियन्त्रण गर्न रहेको जनाएको छ ।
