काठमाडौं । बुधबार नेपालमा थप ३ हजार ४ सय ३९ जना कोरोनाका संक्रमित थपिएका छन्। एकै दिन थपिएको यो संख्या अहिलेसम्मकै उच्च हो।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या ९४ हजार २ सय ५३ पुगेको छ।
आजै कोरोनाबाट १ हजार १ सय २६ निको भइ घर फर्केका छन् । यीसहित कुल निको हुनेको संख्या ६८ हजार ६ सय ६८ पुगेको छ।
हाल देशभर सक्रिय संक्रमितको संख्या २५ हजार ७ पुगेको छ । यस्तै आज मृतक थप १५ जनामा कोरोना पुष्टि भएको छ।
यीसहित हालसम्म कोरोनाबाट ५ सय ७८ जनाको मृत्यु भएको मन्त्रालयले जनाएको छ। आज देशभरका विभिन्न स्थानमा गरी १४ हजार २ सय ९ जनाको पिसिआर परीक्षण भएको छ।
आज थपिएका संक्रमितमध्ये १ हजार ६ सय ८४ जना काठमाडौं उपत्यकाका छन् ।
