काठमाडौं । बुधबार देशभर थप १ हजार १ सय ७२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म देशभर संक्रमित हुनेको संख्या ६७ हजार ८ सय ४ पुगेको छ।
स्तै पछिल्लो २४ घण्टामा १ हजार ८ सय ९३ जना कोरोनाबाट निको भएका छन्। यीसहित हालसम्म कोरोनाबाट निको हुनेको संख्या ४९ हजार ९ सय ५४ पुगेको छ।
हाल देशभर सक्रिय संक्रमितको संख्या १७ हजार ४ सय १४ रहेको छ । बुधबार थप ७ मृतकमा कोरोना संक्रमण पुष्टि भएको छ। यीसहित हालसम्म मृतक ४ सय ३६ जनामा कोरोना पुष्टि भएको छ।
पछिल्लो २४ घण्टामा ९ हजार ४ सय ४९ जनाको पिसिआर परीक्षण गरिएको छ।
