काठमाडौं । नेपालमा पछिल्लो २४ घण्टामा थप १ हजार ३९ जनामा कोरोना भाइरस (कोभिड(१९) को संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरको प्रयोगशालामा ९ हजार १ सय ६५ जनाको नमुना परीक्षण गर्दा उनीहरुमा संक्रमण पुष्टि भएको हो ।
मन्त्रालयका अनुसार आजै विभिन्न क्षेत्रबाट कोरोनालाई जितेर १ हजार १ सय ७३ जना डिस्चार्ज भएका छन् ।
हाल देशभर सक्रिय संक्रमितको संख्या १५ हजार ११७ रहेको मन्त्रालयले जनाएको छ। हालसम्म ३ सय ४५ जना मृतकमा कोरोना पुष्टि भएको छ। पछिल्लो २४ घण्टामा मृतक ९ जनामा कोरोना पुष्टि भएको हो।
