काठमाडौं । नेपालमा पछिल्लो २४ घण्टामा थप १,०४१ जनामा कोरोना भाइरस संक्रमण पुष्टि भएको छ । देशका विभिन्न प्रयोगशालामा गरिएको परीक्षणका क्रममा थप १,०४१ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डाजागेश्वर गौतमले जानकारी दिएका छन् । योसहित नेपालमा कोरोना संक्रमितको संख्या ४५ हजार २७७ जना पुगेको छ ।
आज ९शनिबार० काठमाडौंमा ३२६, ललितपुरमा ३७ र भक्तपुरमा ४५ संक्रमित थपिएका छन् । पछिल्लो २४ घण्टामा थप १,५६६ जना कोरोना संक्रमणमुक्त भएका छन् । योसहित नेपालमा हालसम्म २७ हजार १२७ उपचारपछि निको भएका छन् ।
काठमाडौं उपत्यकामा थपिए ४०८ जना
काठमाडौं उपत्यकामा पछिल्लो २४ घण्टामा ४०८ जना कोरोना संक्रमित थपिएका छन् । उपत्यकाका विभिन्न प्रयोगशालामा गरिएको परीक्षणको रिपोर्टअनुसार नयाँ थपिने संक्रमितको बारेमा जानकारी गराइएको हो ।
मन्त्रालयका प्रवक्ता डा. गौतमका अनुसार पछिल्लो २४ घण्टामा काठमाडौंमा ३२६ जनामा कोरोना संक्रमण देखिएको छ भने भक्तपुरमा ४५ र ललितपुरमा ३७ जनामा संक्रमण पुष्टि भएको छ ।
