काठमाडौं । आइतबार देशभर कोरोनाका १ हजार २ सय २१ संक्रमित थपिएका छन्। यो अहिलेसम्मकै बढी हो। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित नेपालमा हालसम्म संक्रमित हुनेको संख्या ३८ हजार ५ सय ६१ पुगेको छ।
मन्त्रालयका अनुसार पछिल्लो २४ घण्टामा २ सय ६७ जना कोरोनाबाट निको भई घर फर्किएका छन् । सो संख्यासँगै हालसम्म २० हजार ८ सय २२ जना निको भएर घर फर्किसकेका छन्।पछिल्लो २४ घण्टामा काठमाडौं उपत्यकामा थप ४ सय २९ जनामा कोरोना भाइरस संक्रमण पुष्टि भएको छ । मन्त्रालयका अनुसार काठमाडौं जिल्लामा ३ सय ७२, ललितपुरमा १२ र भक्तपुरमा ४५ जनामा संक्रमण पुष्टि भएको हो ।
