काठमाडौं । नेपाली बजारमा आज पनि सुनको मूल्य घटेको । केही दिनयता निरन्तर ओरालो बाटो समातेको सुन आज प्रतितोलामा ४ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९६ हजार ८ सय कायम गरिएको छ । यस्तै तेजावी सुनको मूल्य ९६ हजार ३०० सय निर्धारण गरिएको छ ।
त्यस्तै, चाँदीको मूल्य पनि आज घटेको छ । आज चाँदीको मूल्यमा १० रुपैयाँले घट्दै प्रतितोला १३१० मा कारोबार भइरहेको महासंघले जनाएको छ ।
यसअघि सोमबार छापावाल सुनको भाउ तोलाको ९७ हजार ९ सय रुपैंयाँ रहेको थियो । मंगलबार पनि ९७ हजार २०० मा सुनको कारोबार भएको थियो ।
