काठमाडौं । काठमाडौंसहित उपत्यकका तीन जिल्ला प्रशासन कार्यालयले आज आइतबारदेखि १६ दिनसम्मका लागि अत्यावश्यकबाहेक अन्य सेवा बन्द गराएका छन् ।
कोरोना संक्रमण बढ्दै गएकाले यसको नियन्त्रणमा सहयोग पुर्याउन उद्देश्यले सेवा बन्द गरिएको हो ।
काठमाडौं, ललितपुर र भक्तपुरका कोरोना संकट व्यवस्थापन जिल्ला समितिको शुक्रबार बसेको संयुक्त बैठकले सो निर्णय गरेको थियो ।
निर्णयअनुसार आजदेखि ८ भदौसम्मका लागि नयाँ नेपाली नागरिकता वितरण, नागरिकता प्रतिलिपि वितरण, राहदानी वितरण, नाबालिग परिचयपत्र वितरण, हातहतियार दर्ता नवीरकण, संस्था र पत्रपत्रिका दर्ता तथा नवीरकण, निजी सुरक्षा कम्पनी नवीकरणलगायतका अत्यावश्यक नभएका सबै सेवा बन्द गरिएको हो ।
