काठमाडौं । समाजवादी पार्टीले सांसद सरिता गिरीलाई बर्खास्त गर्न सिफारिस गरेको छ । सांसद गिरीले कालापानी, लिपुलेक र लिम्पियाधुरा समेटिएको नेपालको नक्सासहितको निसान छाप परिवर्तन गर्न भएको संविधान संशोधन बहिस्कार गरेकी थिइन् । पार्टीले संशोधनको पक्षमा मत हाल्न ह्वीप जारी गरेको थियो ।

पार्टीको कार्यदलको बैठकले सांसद गिरीलाई कारबाही गर्न सिफारिस गरेको बैठकमा सहभागी एक सांसदले जानकारी दिए । नेता राजेन्द्र श्रेष्ठले सांसद सरिता गिरीबारे निर्णय गर्न पदाधिकारीको बैठक जारी रहेको जानकारी दिए ।

यसबारे निर्णय गर्न पार्टी पदाधिकारी बैठक बसिरहेको छ । बैठकले अनुमोदन गरेपछि उक्त पत्र निर्वाचन आयोगमा जान्छ ।