काठमाडौं । कोरोना भाईरस संक्रमितको संख्या ६७ लाख २ हजार ७६७ पुगेको छ । उपचार पछि घर फर्कनेको संख्या ३२ लाख ५१ हजार ६०८ जना पुगेको छ भने हालसम्म मृत्यु हुनेको संख्या ३ लाख ९३ हजार २१२ जना पुगेको छ ।
चीनको वुहान शहरबाट फैलिएको उक्त भाईरसले सबै भन्दा बढी प्रभावित भएको अमेरिकामा १९ लाख २४ हजार ५१ जना संक्रमित देखिएका छन भने उपचार पछि घर फर्कनेको संख्या ७ लाख १२ हजार २५२ जना रहेको छ । त्यस्तै मृत्यु हुनको संख्या भने १ लाख १० हजार १७३ जना पुगेको तथ्याङ्कमा उल्लेख छ ।
अमेरिका पछि बढी प्रभावित भएको ब्राजिलमा ३४ हजार ३९ जनाले ज्यान गुमाईसकेका छन भने ६ लाख १५ हजार ८७० जना संक्रमित भेटिएका छन । उपचार पछि घर फर्कनेको संख्या भने २ लाख ७४ हजार ९९७ जना रहेको छ ।
रसियामा संक्रमितको संख्या ४ लाख ४१ हजार १०८, स्पेनमा २ लाख ८७ हजार ७४०, बेलायतमा २ लाख ८१ हजार ६६१, इटालिमा २ लाख ३४ हजार १३, जर्मनमा १ लाख ८४ हजार ९२३, पेरुमा १ लाख ८३ हजार १९८, टर्किमा १ लाख ६७ हजार ४१०, इरान १ लाख ६४ हजार २७०, फ्रान्समा १ लाख ५२ हजार ४४४, चिलीमा १ लाख १८ हजार २९२ जना र मेक्सीकोमा १ लाख ५ हजार ६८० जना संक्रमित रहेका छन ।
