काठमाडौं । बिहीबार बिहान गण्डकी प्रदेशमा थप १६ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसार बिहीबार बिहान मात्रै थप १६ जनामा कोरोना पुष्टि भएको हो । थप संक्रमितसँगै गण्डकीमा हालसम्म संक्रमितको संख्या ५४ पुगेको छ ।
संक्रमितहरु बाग्लुङ, पर्वत, म्याग्दी र स्याङ्जाका रहेका छन । संक्रमितहुनेहरुमा बाग्लुङको निसीखोला गाउँपालिकाका वर्ष २२ र २९ का २ जना पुरुष तथा ३३ बर्षिया महिला १ जना, बडीगाड गाउँपालिकाका वर्ष १६, २०, २१ र २५ का ४ जना पुरुष र गल्कोट नगरपालिकाका २०, २२ र २३ का ३ जना पुरुष रहेका छन ।
त्यस्तै पर्वतको फलेबास नगरपालिका २१ बर्षिय २ जना पुरुष, बिहादी गाउँपालिकाका २४ र २८ वर्ष उमेरका २ जना पुरुष रहेका छन । स्याङ्जाको कालीगण्डकी गाउँपालिकाका १८ वर्षीय १ जना पुरुष र म्याग्दीको मंगला गाउँपालिकाका १९ वर्षिय पुरूषमा कोरोना संक्रमणको पुष्टि भएको छ ।
गण्डकी प्रदेशमा १६ जना संक्रमित थपिएसँगै देशभर संक्रमितको संख्या २३ सय १६ पुगेको छ । २७८ जना निको भएका छन भने कोरोनाकै कारण ९ जनाको ज्यान गईसकेको छ ।
