काठमाडौं । बिहिबार एकैदिन १५६ जनामा कोरोना संक्रमण भेटिएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले पत्रकार सम्मेलनमार्फत बिहिबार हालसम्मकै उच्च १५६ जनामा कोरोना संक्रमण भएको पुष्टि गरेका हुन् ।
बिहिबार सबैभन्दा बढी केन्द्रीय जनस्वास्थ्य प्रयोगशालामा भएको परीक्षणमा ७७ जनामा पोजेटिभ पाइएको छ । उनीहरू मध्ये धनुषाका २९ जना, महोत्तरीका १७ जना, रौतहटका ३ जना, सप्तरीका १२ जना, सर्लाहीका ७ जना, सिरहाका ६ जना, दोलखाका २ जना, सोलुखुम्बुका १ जना रहेका छन ।
यसैगरी विपि कोइराला क्यान्सर अस्पताल धरानको प्रयोगशालामा भएको परीक्षणमा २ जनामा कोरोना पोजेटिभ देखिएको हो । उनीहरू दुबै जना सप्तरीका रहेका छन । त्यस्तै कोशी अस्पतालमा गरिएको परीक्षणमा २५ जनामा पोजेटिभ देखिएको छ । उनीहरू सबै झापाका रहेका छन । यस्तै भारतपुर अस्पतालमा भएको परीक्षणमा नवलपुरका एक जनामा पोजेटिभ देखिएको छ ।
त्यस्तै सुर्खेतको प्रयोगशालामा गरिएको परीक्षणमा २३ जनामा कोरोना पोजेटिभ देखिएको छ । उनीहरू मध्ये बझाङका १ जना, सुर्खेतका १३ जना र दैलेखका ८ जना रहेको छन ।
मन्त्रालयका अनुसार प्रदेशिक प्रयोगशाला गण्डकीमा भएको परीक्षमाण ३ जनामा कोरोना पोजेटिभ देखिएको छ । उनीहरु ३ जना नै स्याङ्जाका रहेका छन । त्यस्तै सेती प्रादेशिक अस्पतालको प्रयोगशलामा गरिएको परीक्षणमा कैलालीका थप ३ जनामा कोरोना पोजेटिभ देखिएको छ ।
यसैगरी किटजन्य केन्द्र हेटौडाको प्रयोशालामा भएको परीक्षणमा मकवानपुरका १ जनामा कोरोना पोजेटिभ देखिएको छ । भेरी अस्पतालमा गरिएको परीक्षणमा ४ जना पोजेटिभ देखिएका छन उनीहरू वर्दिया ३ र बाँकेका १ जना रहेका छन । यस्तै धुलिखेल अस्पतालको प्रयोगशाामा भएको परीक्षण गरिएको रौटहटका १७ जनामा कोरोना पोजेटिभ देखिएको छ ।
यससँगै नेपालमा कुल संक्रमितको संख्या १०४२ पुगेको छ । हालसम्म ५ जनाको मृत्यु भएको छ भने १८७ जना निको भएर घर फर्किएका छन् । कोरोना संक्रमित मध्ये ९४० जना पुरूष र १०२ जना महिला हुन् ।
