काठमाडौ। सरकारको नीति तथा कार्यक्रममाथि आजैदेखि संसदमा छलफल सुरु हुने भएको छ । बिहान ११ बजे सुरु हुने प्रतिनिधिसभा र राष्ट्रियसभाको बेग्लाबेग्लै बैठकमा नीति तथा कार्यक्रममाथि छलफल सुरु हुने भएको हो ।

यसपटक नीति तथा कार्यक्रममाथिको छलफल भने छोट्याइएको छ । कोरोनाको सङ्क्रमणको जोखिम बढ्दै गएकाले छलफललाई छोटो र छरितो बनाउने निर्णय गरिएको हो । संसदमा आज र भोलि सोमबार छलफल गर्ने र छलफलका क्रममा सांसदले उठाएका प्रश्नको प्रधानमन्त्री केपी शर्मा ओलीले मंगलबार जवाफ दिने कार्यसूची छ ।