काठमाडौं । लकडाउन अनिश्चित समयसम्म गर्न सकिंदैन | तर लकडाउन गर्न, खुकिलो गर्न तथा अन्त्य गर्न ठोस आधार हुनुपर्दछ, सहि योजना हुनुपर्दछ | राज्यले कोरोना संक्रमणको ब्यापक परीक्षण गरेर देखिएको परिणाम अनुसार लकडाउनको स्वरूप परिवर्तन गर्नुपर्दछ |

अहिलेको परिस्थिति हेरौं

– भारतबाट लुकिछिपी नेपाल आउने क्रम बढिरहेको छ | यसरी आएका अधिकांश संक्रमित छन् | उदाहरणको लागि आज कपिलवस्तुमा पोजिटिभ देखिएका संक्रमित मुम्बईबाट लुकिछिपी आएका थिए | यो अवस्था सिमाबर्ती धेरै ठाउँमा हुनसक्छ |

– जोखिमयुक्त क्षेत्रबाट काठमाडौं उपत्याकामा आउने क्रम चलिरहेको छ | नाका अघिं गाडी छोडेर अनि त्यहाँबाट हिंडेर काठमाडौं आउने, भनसुन चल्ने, रातिमा ट्रक तथा टिपरमा आउने क्रम रोकिएको छैन |

– यो साढे ४ महिनामा देशभर जम्मा १७ हजार PCR टेस्ट भएको छ | काठमाडौं उपत्याकामा अत्यन्त न्यून परीक्षण भएको छ | देशव्यापी ब्यापक परीक्षण गरेर रेड जोन, एल्लो जोन तथा ग्रीन जोन छुट्याउने काम गरिएको छैन |
– सामुहिक बसाइका स्थान पत्ता लगाउने काम भएको छैन |
– मास्क, चस्मा, पंजा, ह्याण्ड स्यानिटाइजर, सामाजिक दुरीको नियम आदि अनिबार्य गरिएको छैन |

संक्रमणको अवस्था थाहै नपाइ लकडाउन खुकुलो बनाइएको छ | लकडाउन खुकुलो गर्ने योजना पनि हचुवाको भरमा गरिएको छ | पहिलो चरणमा कति प्रतिशत खुलाउने ? कुन कुन सेवा खुलाउने ? जस्ता योजना छैनन् | यस्तो अबैज्ञानिक र खतरनाक निर्णय गर्नुपूर्व बिज्ञहरुको सल्लाह लिने काम भएको छैन | यसो गर्दा उपत्यकामा जुनसुकै बेलामा संक्रमण फैलिने जोखिम बढेको छ |

यस्तो महामारीको समयमा उत्कृष्ट नेतृत्व क्षमता भएको व्यक्तिले स्वास्थ्य मन्त्रालयको नेतृत्व गर्ने, भ्रष्ट्राचार हुन नदिने, बिज्ञहरु सम्मिलित टास्क फोर्स बनाउने र त्यो टास्क फोर्सको योजना अनुसार काम गर्ने हो भने हामी कोरोना संक्रमणसंग लड्न सक्षम हुनेछौं |