काठमाडौं । कोरोना भाइरसको उपचारमा सक्रियरुपमा देखिएका विश्वका पाँच महिला मध्ये नेपालकी डा रुना झा छनोटमा परेकी छिन ।
जनस्वास्थ्य प्रयोगशालाका निर्देशक डा. रुना झालाई विश्वका पाँच महिलाको सुचीमा युएन ओमनले कोरोना भाइरसको अग्रपंक्तिमा खटिइरहेका विश्वका पाँच महिलाको सूचीअन्तरगत छनौट गरेको हो ।
संकटका बेला डा.झाले देखाएको कार्यकुशलता र सक्रियताको आधारमा डा झालाई शीर्ष पाँच महिलाको सूचीमा राखिएको हो । उनले भनिन, ‘प्रयोगशालामा अबेरसम्म बस्नु सामान्य जस्तो भएको छ । यहाँ प्राविधिक कामको साथै अतिरिक्त, यातायात र खानाको प्रबन्ध गर्नेलगायतका कामसमेत गर्नुपर्छ ।’
चिकित्सकको टीमको ख्याल राख्नु झाको लागि उच्च प्राथमिकता हो । चीनको वुहानबाट ल्याइएको १ सय ७५ विद्यार्थीलाई क्वारेन्टाइनमा राखेपछि पहिलो पटक प्रवेश गर्ने टोलीमा झाको टोली परेको थियो । उनीसँगै काजिकस्तान, चीन, जोर्डन, क्यारावियनलगायतका महिला उक्त छनौटमा समाबेश भएकी छिन ।
