काठमाडौं । २१२ देशमा फैलिएको कोरोना भाईरसबाट संक्रमित हुनेको संख्या ३३ लाख ८ हजार २ सय ३३ जना पुगेको छ । लाईभ अपडेटमा रहेका वल्र्डमिटर्शको तथ्याङ्क अनुसार उपचार पछि निको भएर घर फर्कनेको संख्या भने १० लाख ४२ हजार ८ सय १९ जना रहेको छ । सोही भाईरसका कारण ज्यान गुमाउनेको संख्या भने विश्वभर २ लाख ३४ हजार १ सय ५ जना पुगेको छ ।

सबै भन्दा बढी प्रभावित भएको अमेरिकामा संक्रमितको संख्या १० लाख ९५ हजार २ सय १० जना पुगेको छ भने मृतकको संख्या ६३ हजार ८ सय ६१ जना पुगेको तथ्याङ्कमा उल्लेख छ । त्यस्तै उपचार पछि घर फर्कनेको संख्या भने १ लाख ५५ हजार ७३७ जना रहेको छ । त्यस्तै स्पेन र इटालिमा संक्रमितको संख्या २ लाख भन्दा बढी पुगेको छ । स्पेनमा संक्रमितको संख्या २ लाख ३९ हजार ६३९ पुगेको छ भने उपचार पछि घर फर्कनेको संख्या १ लाख ३७ हजार ९८४ जना रहेको छ ।

इटालिमा संक्रमितको संख्या २ लाख ५ हजार ४६३ जना पुगेको छ भने उपचार पछि घर फर्कनेको संख्या ७५ हजार ९४५ जना रहेको छ । त्यस्तै बेलायतमा संक्रमितको संख्या १ लाख ७१ हजार २५३, फ्रान्समा १ लाख ६७ हजार १७८, जर्मन १ लाख ६३ हजार ९, टर्की १ लाख २० हजार २०४, रसिया १ लाख ६ हजार ४९८ जना रहेका छन ।