बिजखबर संबाददाता
२८ साउन,काठमाडौं । गुराँस लाइफ इन्स्योरेन्स कम्पनि लिमिटेडको छैठौं साधारण सभा सभ्पन्न भएको छ ।
सभाले कम्पनीको नयाँ संचालक समिति गठन गरेको छ । संस्थापक संचालकमा मोतीलाल दुगड, मालचन्द दुगड, ज्योति कुमार बेगानी, दीपक नेपाल, सनराइज बैक लि. को तर्फबाट अपछ कुमार यादव निर्विरोध निर्वाचित भएका छन् ।
साथै सर्बसाधारण शेयरधनीहरुको तर्फबाट बिशाल तातेड निर्वाचित भएका छन् । सोहि दिन बसेको संचालक समितिको बैठकले मोतीलाल दुगडलाई संचालक समितिको अध्यक्षमा चयन गरेको छ ।
सभामा कम्पनीका संचालक समितिका अध्यक्ष मोतीलाल दुगडले आगामी बर्षहरुमा कम्पनीको व्यापार व्यवसाय विस्तार गरी शेयरधनीहरुलाई प्रतिफल प्रदान गर्न सकिने जानकारी दिए ।
सभाले संस्थापक शेयर ७० प्रतिशत मध्ये १९ प्रतिशत संस्थापक शेयर सर्बसाधारण शेयरमा परीणत गरी संस्थापक र सर्बसाधारण शेयरको अनुपात ५१ः४९ गर्ने प्रस्ताव समेत सर्व सम्मतले पारित गरेको छ ।