काठमाडौं । विश्वभर महामारीका रुपमा फैलिएको कोरोनाभाइरसको संक्रमण फैलन नदिन सरकारले लागू गरेको लकडाउनको आज २३ औं दिन हो । लकडाउनका कारण काठमाडौं उपत्यकालगायत मुलुकका मुख्य शहर सुनसान छन् । सरकारले घोषणा गरेको लकडाउनको अवधि मंगलबारमात्र मन्त्रिपरिषद बैठकले बैशाख १५ सम्मका लागि बढाएको छ ।

सरकारले लकडाउन बैशाख १५ गतेसम्म थपिसकेको छ । पछिल्लो समय कोरोना भाइरस संक्रमितको संख्या बढेर १६ पुगिसकेको छ । त्यसैगरी आशंका गरेर आइसोलेसनमा राखिएकाहरु ९९ जना भएकाले पनि लकडाउन बढाउनु पर्ने बताइएको छ । त्यस्तै भारतमा अझ बढी संक्रमित भएकाले पनि लकडाउन बढाउनुको विकल्प नभएको बताइन्छ । लकडाउनका कारणका सर्वसाधारणलाई समस्या भएको छ । घरमै बसेर लकडाउनको पालना गर्दा संक्रमण नफैलिने नीति अनुसार सरकारले लकडाउन गरे पनि त्यसलाई उल्लंघन गर्नेहरु पनि उल्लेख्य छन् ।

संक्रमितको संख्या बढदैं गइरहेको अवस्थामा धेरै सर्वसाधारणहरु मानसिक रुपमा पनि लकडाउनका लागि तयार भएको देखिएपनि केही भने लकडाउन उल्लंघनमा दिनहुँ पक्राउ पर्दै आएका छन् । गत चैत ११ गतेदेखि लकडाउन निरन्तर चलिरहेको छ । लकडाउनको समयलाई बढाएर बैसाख १५ गतेसम्म पुर्याएको सरकारले सीमा नाका पनि बन्द रहेको जनाएको छ ।
सीमा नाका कहिलेसम्म बन्द भन्ने विषयमा भने सरकारले निर्णय गरेको छैन, त्यसैले सीमा नाका अनिश्तिकालका लागि बन्द भएका छन् । मन्त्रिपरिषद्को मंगलबारको बैठकले हवाई, र भू–मार्ग मार्ग हुने कुनै पनि आवतजावतलाई निशेष गरेको अर्थ एबंवं सञ्चार तथा सूचना प्रविधिमन्त्री डा.युवराज खतिवडाले जानकारी दिए ।

यस्तै विदेशबाट आएका जो कोहिलाई बास दिनेहरुलाई पनि कारबाही गरिने सरकारले जनाएको छ । स्थानीय प्रशासनको आँखा छलेर विदेशबाट आएकाहरुलाई लुकाएर राखेमा कानुनअनुसार कडा कारबाही हुने खतिवडाले बताए । भारतीय प्रधानमन्त्री नरेन्द्र मोदीले मंगलबार लकडाउन वैशाख १८ गतेसम्म लम्ब्याउने निर्णय गरेका छन् । नेपाल र भारतबीच सीमामा आवागमन बन्द भए पनि अत्यावश्यक सामान ल्याउन दिने निर्णय यसअघि नै भएको छ । सीमाबाट सबै अत्यावश्यक सामानहरु आइरहेको दाबी सरकारले गरेको छ ।

भारतले पूर्णरूपमा लकडाउन नहटाउँदासम्म नेपालले नाका नखोल्ने अवस्था रहेको छ । ‘भारतमा महामारीको रूप लिँदैछ । हामीकहाँ पनि एकपछि अर्को केस थपिँदैछ । यस्तो अवस्थामा भारतसँगको सीमा खोल्ने कुरा सोच्न सकिँदैन, कोरोना संक्रमण रोकथाम तथा नियन्त्रण उच्चस्तरीय समन्वय समितिमा रहेका एक मन्त्रीले भने ।

सरकारले यसअघि नै आगामी बैशाख १८ सम्मको लागि अन्तराष्ट्रिय उडानमा प्रतिबन्ध लगाइसकेको थियो भने मंगलबारको मन्त्रीपरिषद बैठकले आन्तरिक उडानपनि सो समयसम्म नखोल्ने जनाएको छ । सरकारले संक्रमित बढढ्दै गएको र उल्ङ्नलंघ गर्नेको सङख्या पनि बढदै गएको देखिएसँगै लकडाउन पालनामा थप कडाई गर्ने भएको छ । अत्यावश्यक कामबाहेक बाहिर ननिस्कन आग्रह गर्दागर्दै पनि कतिपयले भने नियम उल्लंघन गरिरहेका छन् । लकडाउन उल्लंघन गर्नेहरुलाई प्रहरीले दिनहुँ पक्राउ गर्दै आएको छ ।

प्रहरीले अत्यावश्यक बाहेकका कामका लागि गाडी चलाएको पाइए चालकलाई फर्काएर बेलुकीमात्रै गाडी छाड्ने गरेको छ । पछिल्लो समय लकडाउन उल्लंघनकर्ता बढ्दा प्रहरीलाई सकस परेको छ । प्रहरीले लकडाउन उल्लंघन गर्ने सयौ सवारीलाई समेत पक्राउ गरेको छ । लकडाउनका कारण अहिले देशभर सुरक्षाकर्मी, स्वास्थ्यकर्मी, कुटनीतिक नियोग, एम्बुलेन्स, अत्यावश्यक र जिल्ला प्रशासनबाट अनुमति लिएका गाडी मात्र चलिरहेका छन् । अरु गाडी चलाउन र अत्यावश्यक नपरि हिँडडुलमा पनि रोक लगाइएको छ । लकडाउनको अवधिमा अत्यावश्यक बाहेकका काममा हिँडडुल गर्नेलाई प्रहरीले कारबाही गर्ने गरेको छ । लकडाउन तोड्दै सवारी चलाउने भने बढेका छन् । त्यतिमात्र होइन बिना काम घरबाहिर निस्केर पक्राउ पर्ने पनि धेरै छन् ।

प्रहरीले त्यसरी नियन्त्रणमा लिएकाहरूलाई ठाउँको ठाउँ ३ घण्टासम्म ‘होल्ड’ गरेर पठाउने गरेको छ । यस अवधिमा प्रहरीले अत्यावश्यक काममा मात्रै घरबाहिर निस्किन आग्रह गरेको छ । औषधी उपचारदेखि खाद्यन्न सकिएको अवस्थालाई अत्यावश्यक काम भनिएको छ । त्यस्तो अवस्थामा प्रहरीको टोल फ्रि नम्बर १०० वा ड्युटीमा खटिएका प्रहरीका कमाण्डरलाईस थाहा दिएर जान सकिने महानगरीय प्रहरी कार्यालय रानीपोखरीले जनाएको छ ।

सरकारले गरेको लकडाउनलाई व्यवस्थित गराउने क्रममा ट्राफिक प्रहरीले मानिससंगै सवारी नियन्त्रणमा लिँदै आएको छ । अत्यावश्यक बाहेकका सवारीलाई कार्वाही गरिएको हो । लम्बिदो लकडाउनका कारण दैनिक ज्यालादारी र श्रममा बाँचिरहेका सर्वसाधारणलाई दैनिकी चलाउन निकै समस्या परेको छ । विशेष गरि बाहिरी जिल्लाबाट काठमाडौंमा आएर काम गरिरहेकाहरु अहिले निकै सकसमा रहेका छन् । सरकारी राहत वितरण चुस्त, दुरुस्त र उपयुत्त, ढंगले नहुँदा हजारौं सर्वसाधारण भोकभोकै बस्नुपर्ने अवस्थामा पुगेको भन्दै दिनहुँ पैदलै हिंडेर काठमाडौं छाडिरहेका छन् ।

धेरैजसो मुख्य सडकमा आवतजावत ठप्प छ भने भित्रि सडकमा सामान्य चहलपहल छ । प्रहरीले घर बाहिर ननिस्किन तथा उच्च सुरक्षा सतर्कता अपनाउन आग्रह गरेको छ । उल्लंख बढ्दै गएपछि सरकारले लकडाउनमा थप कडाइ गर्ने निर्णय गरेको छ । सरकारले कोरोना भाइरसको संक्रमण फैलिरहेको अवस्थामा लकडाउनलाई थप कडा रूपमा लागू गर्दै घरमै बस्न सरकारले अपिलसमेत गरेको छ । सरकारले पछिल्लो पटक उएक प्रदेशबाट अर्को प्रदेशमा, एक जिल्लाबाट अर्को जिल्लामा र एक स्थानीय तहबाट अर्को स्थानीय तहमा हुने आवागमनमा पनि रोक लगाएको थियो । चैत २५ तेश्रो पटक थपिएको एक साताको लकडाउन बुधबार सकिने छ । तर, सोमबारमात्र वीरगञ्जमा रहेका ३ जना भारतीयमा संक्रमण पुष्टि भएसँगै जनमानसमा त्रासको वातावरण देखिएको छ ।

८ हजार २५५ जनाले ज्यान गुमाएका छन् । त्यस्तै इटालीमा यो समाचार तयार पार्दासम्म २१ हजार ६७ जनाले ज्यान गुमाएका छन् भने १ लाख ६२ हजार ४८८ जनालाई संक्रमण भएको छ । त्यस्तै फ्रान्समा १ लाख ४३ हजार ३०३ जनालाई संक्रमण भएको छ भने १५ हजार ७२९ जनाको ज्यान गएको छ । त्यस्तै जर्मनीमा ३ हजार ४९५ जनाले महामारीका कारण ज्यान गुमाएक छन् भने १ लाख ३२ हजार २१० जनालाई संक्रमण भएको छ ।

त्यस्तै बेलायतमा अहिलेसम्म १२ हजार १०७ जनाले ज्यान गुमाएका छन् भने ९३ हजार ८७३ जनालाई संक्रमण भएको छ । त्यस्तै चीनमा आज थप एक जनाको ज्यान गएको छ । चीनमा अहिलेसम्म् ३ हजार ३४२ जनाले ज्यान गुमाएका छन् । आजमात्रै चीनमा थप ४६ नयाँ संक्रमित फेला परेका छन् । यो सहित चीनमा जम्मा संक्रमितको संख्या ८२ हजार २९५ पुगेको छ । त्यस्तै ईरानमा ४ हजार ६८३ जनाले ज्यान गुमाएका छन् भने ७४ हजार ८७७ जनालाई कोरोनाको संक्रमण भएको छ । त्यस्तै टर्कीमा अहिलेसम्म १ हजार ४०३ जनाले ज्यान गुमाएका छन् भने ६५ हजार १११ जनालाई संक्रमण भएको छ ।

त्यस्तै बेल्जियममा अहिलेसम्म ४ हजार १५७ जनाले ज्यान गुमाएका छन् भने संक्रमितको संख्या ३१ हजार ११९ पुगेको छ । त्यस्तै नेदरल्याण्ड्समा २७ हजार ४१९ जनालाई संक्रमण भएको छ भने २ हजार ९४५ जनाको मृत्यु भएको छ । त्यस्तै क्यानडामा अहिलेसम्म ९०३ जनाले ज्यान गुमाएका छन् भने २७ हजार ६३ जनालाई संक्रमण भएको छ । त्यस्तै स्विट्जरल्याण्डमा २५ हजार ९३६ जनालाई संक्रमण भएको छ भने १ हजार १७४ जनाको मृत्यु भएको छ । त्यस्तै ब्राजिलमा अहिलेसम्म महामारीका कारण १ हजार ५३२ जनाले ज्यान गुमाएका छन् भने त्यहाँ २५ हजार २६२ जनालाई संक्रमण भएको छ ।