काठमाडौं । नेपाल प्रहरीमा १० एसएसपीको डिआइजीमा बढुवा सिफारिश भएको छ । सरकारले डिआइजीको दरबन्दी कटौती गरेपछि तिव्र प्रतिष्पर्धाबीच उनीहरुको बढुवा सिफारिश भएको हो । बढुवा समितिले गरेको सिफारिशमा वरिष्ठता र कार्यक्षमता दुवैलाई हेरिएको छ ।
बढुवा हुनेमा घनश्याम अर्याल, प्रकाशजंग कार्की, बसन्त कुमार पन्त र ईश्वर बहादुर कार्की परेका छन् । त्यस्तै अपराध महाशाखाका एसएसपी सहकुल बहादुर थापा पाचौं नम्बरमा परेका छन् ।
त्यस्तै धिरजप्रताप सिंह छैठौं नम्बरमा छन् भने बसन्तकुमार लामा, रबिन्द्र बहादुर धानुक, उत्तमराज सुवेदी र अरुण कुमार बिसी परेका छन् । अब मन्त्रिपरिषदले उनीहरुको बढुवा निर्णय गर्नेछ ।
