काठमाडौं । सोमबार सुनचाँदीको मूल्य स्थिर रहेको छ । नेपाल सुनचाँदी व्यवसायी महासंघका अनुसार साताको दोस्रो दिन सोमबार सुनको मूल्य स्थिर रहि छापावाला सुन प्रतितोला रु ७६ हजारमा कारोबार भइरहेको छ ।

यस अघि आइतबार पनि छापावाला सुन प्रतितोला रु ७६ हजारमा नै कारोबार भएको थियो । महासंघका अनुसार तेजावी सुनको मूल्य आज रु ७५ हजार ७०० कायम गरिएको छ ।

यस्तै, सोमबार चाँदीको मूल्य पनि स्थिर रहि प्रतितोला ८८० रुपैयाँमा कारोबार भइरहेको महासंघले जनाएको छ ।