बिजखबर संबाददाता
२८ असार,काठमाडौं । भूकम्प पीडितहरुका लागि बेलारुसले उपलब्ध गराएको राहत सामाग्री सोमबार नेपाल सरकारलाई प्रदान गरिएको छ । नेपालका लागि बेलारुसका बाणिज्यदूत अजयराज सूमाग्रीले गृहमन्त्रालयका सचिव सूर्यप्रसाद सिलवाललाई सो सामग्री हस्तान्तरण गरेका थिए ।
बेलारुसले विमान चार्टर गरी राहत सामाग्री पठाएको आइतवार त्रिभुवन अन्तराष्ट्रिय विमानस्थलमा आइपुगेको हो ।
राहत सामाग्रीमा २ करोड १५ लाख बराबरको लत्ता कपडा , पाल , ब्लाङकेट र ज्याकेटहरु समावेश छन् । गृहसचिव सिलवालले नेपाललाई दुःख परेको बेला मित्रराष्ट्र बेलारुसले उपलब्ध गराएको राहतका लागि आभार व्यक्त गरे । वाणिज्यदूत सुमार्गीले बेलारुसले नेपालको संकटको बेला उपयोगी सामाग्री उपलब्ध गराएर मित्रप्रतिको हार्दिकता प्रर्दशन गरेको बताए ।