काठमाडौं । नेपालको मानव विकास सूचकांकमा १ सय ४७ औं स्थानमा पुगेको छ । संयुक्त राष्ट्र संघीय विकास कार्यक्रम (युएनडीपी)ले सन् २०१८ को मंगलबार सार्वजनिक गरेको मानव विकास सूचकांक प्रतिवेदन २०१९ मा नेपाललगायत एशिया प्रशान्त क्षेत्रकै मानव विकास सूचकांकको सूचकमा वृद्धि भएको जनाएको हो ।
नेपाल सन २०१८ मा मानव विकास सूचकांकमा ० दशमलव ५७९ अंक उक्लेपछि देश मध्यम मानव विकास सूचकांकको श्रेणीमा पुगेको छ । नेपाललाई १ सय ८९ देशमध्ये १ सय ४७ औं स्थान प्राप्त भएको हो ।
युएनडीपीका अनुसार ब्रोडब्याण्ड ईन्टरनेट पहुँचको आधारमा एशिया प्रशान्त क्षेत्रले मानव विकासको क्षेत्रमा ठुलो फड्को मारेको हो । यस क्षेत्रले ब्रोडब्याण्ड ईन्टरनेट विस्तारको हिसावले विश्वकै नेतृत्व गरेको युएनडीपीले जानकारी दिएको हो । यस्तै युएनडीपीले जलवायु परिवर्तन जस्ता नयाँ समस्याले यो क्षेत्र जोखिममा पर्न सक्ने समेत औँल्याएको छ ।
मानव विकास सूचकांक प्रतिवेदनका अनुसार एशिया प्रशान्त क्षेत्रको गरिबी, भोकमरी, अशिक्षालगायतको खाडल पुरिँदो अवस्थामा छ । प्रतिवेदनका अनुसार हालसम्मकै बढी संख्यामा मानिसहरु भोकमरी, अशिक्षा, रोग, गरिवी लगायतबाट मुक्त हुँदैछन ।
प्रतिवेदनमा मानव विकासमा सबैभन्दा बढी प्रगति गर्ने एशिया प्रशान्तका देशहरुमा पहिलो आयरल्याण्ड र दोस्रोमा थाईल्याण्ड परेको छ । यस्तै विश्वमै मानव विकासमा द्रुत फड्को मार्ने श्रेय भने दक्षिण एशियालाई गएको छ ।
