बिजखबर संबाददाता
८ असार,काठमाडौं । नेपाल ट्वान्टी वानले गोरखाको घ्यालचोक गाविसका विभिन्न विद्यालयलाई जस्ता, टेन्ट तथा कापी कलम वितरण गरेको छ । संस्थाले आधा दर्जन विद्यालयलाई जस्तपाता तथा पाठ्यसामग्री प्रदान गरेको हो ।
संस्थाले हालै घ्यालचोककै छतिवन गैराका शिव निम्न माध्यमिक विद्यालयलाई ५ बण्डल जस्ता सहयोग गरेको हो ।
त्यस्तै प्रजाज्योती प्राविलाई ४ बण्डल जस्ता तथा लत्ताकपडा सहयोग गरेको नेपाल ट्वान्टीवानका सदस्य किरण तिवारीले जानकारी दिए । ‘भुकम्पले विद्यालयको भवन क्षतिग्रस्त भइ विद्यार्थीहरु खुल्ला आकासमुनी पढ्न बाध्य भएकाहरु विशेष प्राथमिकतामा छन्’ उनले भने । त्यस्तै संस्थाको सहकार्यमा डा. आवाज खड्का ,सुमित्रा खड्कासहितको टोलिले स्वास्थय शिविर पनि सञ्चालन गरेको थियो ।
शिविरमा २ सय भन्दा बढीले स्वास्थ्य जाँच गराएका थिए ।
संस्थाले ज्ञानमार्ग उच्चमाविलाई पनि टेन्ट उपलब्ध गराएको छ । नेपाल ट्वान्टी वानले गोरखाका विभिन्न विद्यालय र माझी तथा चेपाङ
समुदायलाई विशेष प्राथमिकताका साथ राहत वितरण गरिरहेको छ ।
साथै आगामी दिनमा पनि राहत नपाएका तथा विशेषगरी पिछडिएका समुदायलाई सहयोग गर्ने योजना रहेको तिवारीले जानकारी दिए ।
