बिजखबर संबाददाता
८ असार,काठमाडौं ।विश्व बैंकले भूकम्पपछिको पुर्ननिर्माणका लागि नेपाललाई ५० करोड डलर सहयोग गर्ने भएको छ ।
असार १० गते नेपालमा हुन लागेको नेपालको पुनर्निमाणका लागि अन्तरराष्ट्रिय सम्मेलनमा यसको घोषणा गरिने बताइएको छ । विश्व बैंकले सो सहयोग सहुलियतपूर्ण ऋणको रुपमा उपलब्ध गराउन लागेको हो ।
सो रकममध्ये करिब २० अर्ब ग्रामीण क्षेत्रमा भवन बनाउन प्रयोग हुनेछ ।
विश्व बैंकले नेपालका ग्रामीण क्षेत्रमा ५५ हजार घर बनाउन रकम खर्च गर्ने जनाएको छ ।