गोरखाको साम्दो गाँउमा सिम्रिक एयरको हेलिकोप्टर सामान्य दुर्घटनामा परेको छ । हेलिकोप्टरमा सवार सबै यात्रु सकुशल छन् ।
हेलिकोप्टर अवतरण गर्दा ढुंगा उछिट्टिएर पछाडिको भागमा लागेको तथा सामान्य क्षति भएको बताइएको छ । थप जानकारी आउने क्रममा छ ।
हाल दुर्घटनास्थलमा प्राविधिक टोली पठाइसकेको र परीक्षणको काम भैरहेको छ । हेलिकोप्टरमा एक जना पाइलटसहित ४ जना सवार थिए ।
भूकम्प पीडितहरुका लागि औषधि र स्वास्थ्यकर्मी लिएर काठमाडौंबाट साढे ९ बजे हेलिकोप्टर गोरखाको साम्दोका लागि उडेको थियो ।
