काठमाडौं । आईतबारदेखि आन्तरिक राजस्व विभागले आठौं कर दिवस सप्ताहव्यापी रुपमा मनाउने भएको छ । विभागले २०६९ यता मनाउँदै आएको सप्ताहव्यापी दिवस यस बर्ष पनि मनाउन लागेको हो ।
करदातालाई प्रोत्साहन, करको बारेमा जनचेतना अभिवृद्धि लगायतलाई लक्ष्य बनाएर कर दिवस मनाउन लागिएको विभागका महानिर्देशक विनोद बहादुर कुँवरले जानकारी दिए ।
उनले कर दिवसलाई भव्य बनाउन विभिन्न ६ ओटा उपसमिति गठन गरिएको बताएका छन । उनका अनुसार पहिलो दिन आईतबार प्रज्ञा भवन कमलादीमा अर्थमन्त्री युवराज खतिवडाले कार्यक्रमको उद्घाटन गर्नेछन ।
विभागले यसपालीको कर दिवशमा करको परिपालना सहित सबैभन्दा बढी कर तिर्ने १५ जना व्यवसायीलाई सम्मान गर्ने भएको छ । यस्तै विभिन्न कर कार्यालयमा रहेर उत्कृष्ट कार्यसम्पादन गर्ने अन्य १० जना कर्मचारीलाई पनि पुरस्कृत गरिने विभागले जानकारी दिएको छ ।
सप्ताहव्यापी कार्यक्रममा मंसिर २ गतेदेखि ६ गतेसम्म विभिन्न व्यवसायिक संगठनहरुले कर सम्बन्धी अन्तरक्रिया कार्यक्रमहरुको आयोजना गर्नेछन । साथै कार्यक्रमको अन्तिम दिन मंसिर ७ गते नेपाल पुलिस क्लबमा कार्यक्रमको समापन गरिनेछ ।
