काठमाडौं । पर्यटन स्वास्थ्य तथा शिक्षा क्षेत्रमा काम गर्दै आएको अम होंङ गिल ह्युमन फाउण्डेशनले १० औं वार्षिक उत्सव काठमाडौंमा मनाएको छ । १० औं वार्षिक उत्सवको अवसरमा फाउण्डेशनले १० बर्ष सम्म गरेका कामको समिक्षा तथा आगामी दिनमा गर्ने कार्ययोजना समेत प्रस्तुत गरेका छन ।
अहिलेसम्म नेपालको १२ जिल्लामा १५ बालमैत्री भुकम्प प्रतिरोधी सुविधा सम्पन्न विद्यालयहरु निर्माण गरी हस्तान्तरण गरिसकेको छ । त्यस्तै फाउण्डेशनले बनाएको ति विद्यालयहरुमा ६ हजार ९ सय विद्यार्थीहरुले अध्ययन गरिरहेका छन भने १३ जना शिक्षकहरुले समेत रोजगारी पाएका छन ।
त्यस्तै नाम्चेमा माउन्टेरिङ मेडिकल, थाक्तो दोर्जे फोटाङ गुम्बालगायतका परियोजनाहरु सम्पन्न गरिसकेका छन भने आगामी परियोजनामा प्रणामी माध्यामिक विद्यालय, एबीसी उद्दार केन्द्र कास्की, मनाङ पर्वतारोहन विद्यालयको सम्भाब्यता अध्ययन गर्ने भएको छ ।
८ हजार मिटर भन्दा माथीका १६ ओटा हिमाल आरोण गरेका दक्षिण कोरियन नागरिक क्याप्टेन अम होंङ गिलले २००८ मा कोरियामा सो संस्थाको स्थापना गरेका हुन । २००९ देखि नेपालमा काम सुरु गरेको उक्त फाउण्डेशनले गरिबीका कारण आफ्ना बालबालिकालाई विद्यालय पठाउन नसक्ने ३ सय जना अबिभावकलाई उन्नत जातका बाख्रा समेत वितरण गरेको छ ।
संस्थाको गरेको कामको प्रसंसा गर्दै समाज कल्याण परिषद्ले ३८ औं सामाजिक सेवा सम्मानले समेत सम्मान गरेको संस्थाका अध्यक्ष अम होंङ गिलले जानकारी दिएका छन ।
