काठमाडौं । दशैं सकिएसँगै सुनको मूल्यमा समेत गिरावट आएको छ । आईतबार प्रति तोला ७० हजार १ सय रुपैयाँमा कारोबार भएको सुनको मूल्य सोमबार सामान्य गिरावट आएको छ ।
आईतबार ७० हजार १ सय रुपैयाँमा कारोबार भएको सुनको मूल्य सोमबार १ सय रुपैयाँले घटेर ७० हजार रुपैयाँमा कारोबार भएको सुनचाँदी ब्यवसायी महासंघले जानकारी दिएको छ ।
त्यस्तै तेजावी सुन प्रति तोला ६९ हजार ७ सय रुपैयाँमा कारोबार भईरहेको छ । आईतबार तोलाको ६९ हजार ८ सय रुपैयाँमा कारोबार भए पनि सोमबार भने १ सय रुपैयाँले घटेर ६९ हजार ७ सय रुपैयाँमा कारोबार भईरहेको छ ।
चाँदीको बजार मूल्य भने गत हप्तादेखिनै स्थिर रहेको छ । चाँदीको बजार मूल्य प्रतितोला ८४५ रुपैयाँमा बिक्रीवितरण भईरहेको छ ।
