काठमाण्डौ । काठमाण्डौको बालाजु औद्योगिक क्षेत्रमा आगलागी भएको छ । बालाजु औद्योगिक क्षेत्र भित्र रहेको फोर्स मोटर ग्यारेजमा बिहीबार बिहान साढे ११ बजे आगलागी भएको हो ।
आगलागी भएको करिब २ घण्टा पछि नियन्त्रणमा आएको बालाजु उद्योग वाणिज्य संघको अध्यक्ष देवराज तामाङले जानकारी दिएका छन । उनका अनुसार काठमाण्डौ महानगरपालिका र नेपाली सेनाका दमकलको आगो नियन्त्रणमा लिएको हो ।
आगलागीबाट ३ वटा नयाँ गाडी र एउटा मोटरसाइकल पूर्ण रुपमा क्षतिग्रस्त भएका छन । त्यसैगरी मर्मतको क्रममा रहेको सशस्त्र प्रहरी बलको एम्बुलेन्स पनि क्षतिग्रस्त भएको छ ।
तामाङका अनुसार सशस्त्र प्रहरी बलको एम्बुलेन्स मर्मत गर्ने क्रममा ग्यास लिक भए पछि सोही स्थानमा रहेको अर्को गाडीमा वेल्डिङ गर्दा उक्त आगलागी भएको हो ।
