राष्ट्रिय समावेशी आयोगका अध्यक्ष डा. शान्तराज सुवेदीले राजीनामा दिएका छन् । उनले शुक्रबार नै राष्ट्रपति विद्यादेवी भण्डारी समक्ष राजीनामा बुझाएका हुन् ।
उनले १२ साउनदेखि लागू हुने गरी राजीनामा दिएका हुन् । अध्यक्ष सुवेदीले संविधानको धारा २५८ को उपधारा ४ को खण्ड (क) बमोजिम राजीनामा दिएको राष्ट्रपति कार्यालयले जानकारी दिएको छ ।
सरकारले उनलाई चैत ७ गते समावेशी आयोगको अध्यक्षमा नियुक्त गरेको थियो । उनी सत्तारुढ दल नेकपाको तत्कालिन माओवादी कोटाबाट समावेशी आयोगको अध्यक्ष भएका थिए ।
तत्कालिन समयमा उनले वित्त आयोगको अध्यक्ष बन्न इच्छा देखाएपनि समावेशी आयोगको जिम्मेवारी दिइएको थियो ।
