बिजखबर संबाददाता
६ जेठ,काठमाडौं । फ्रान्सेली सेनामा कार्यरत नेपाली युवा (फ्रेञ्च गुर्खा)हरुले नगरकोट तथा धादिङमा राहत वितरण गरेका छन् । फ्रेञ्च गुर्खाहरुको समूहले यसअघि नुवाकोटको खड्गभञ्ज्याङ गाविसको पिपलडाँडाका झण्डै ७० परिवारलाई पाल र खाद्यान्न वितरण गरेका थिए ।
दोश्रो चरण अन्तर्गत नगरकोटको स्याउलीबजारका ४० र धादिङमा १ सय ३५ परिवारलाई राहत वितरण गरेका हुन् । बैशाख १२ गतेको भुकम्प तथा त्यसपछीका पराकम्पमा परि मा घरवास गुमाएकाहरुलाई त्रिपाल, चामल, नुन सावुनलगायत सामग्री वितरण गरेका हुन् ।
पिडीत परिवारलाई प्रतिपरिवार त्रिपाल, ३० किलो चामल, २ लिटर खाने तेल, ४ किलो आलु, २ किलो नुन, १ किलो मस्यौरा, २ किलो दाल, नुहाउने र लुगा धुने साबुन १/१ थान तथा बालबालिकाहरुलाई चाउचाउ वितरण गरेका थिए ।
फ्रेञ्च गुर्खामा कार्यरत नेपालीहरुसँग प्रतिव्यक्ति १ सय युरोका दरले रकम उठाएर युवाहरु राहत बाँड्न नेपाल आएका हुन् । ‘अहिलेसम्म कुनै सहयोग नपुगेको ठाउँमा राहत लैजाने सोचेका हौं टोलीका एक सदस्य ललित शर्माले भने ‘प्राय ठाउँमा राहत पुगिसकेकोले अव स्वास्थय जाँच तथा औषधी वितरणको योजना छ ।’
फ्रान्सेली सेनामा कार्यरत नेपालीहरुको समूहले झण्डै २० लाख रुपैयाँ संकलन गरका छन् ।
