बिजखबर संबाददाता
२५ वैशाख, काठमाडौ । काठमाडौं महानगरपालिकाले पुरानो बसपार्कमा रहेको सिटी मार्केटका पसलहरु १५ दिनभित्र हटाउन उर्दी जारी गरेको छ ।
महानगरपालिकाको बागदरबारस्थित कार्यालय भूकम्पले क्षति गराएपछि सो मार्केटमा महानगरपालिकाको कार्यालय सञ्चालन गर्ने भन्दै यस्तो उर्दी जारी गरेको हो ।
बैशाख १२ गते गएको भुकम्पले महानगरपालिकाको बागदरबारस्थित कार्यालय क्षतिग्रस्त भएको छ । त्यहाँ काम गर्न उपयुक्त नभएकोले उक्त कार्यालय सिटी मार्केटको भवनमा सार्न लागिएको हो ।
