बिजखबर संवाददाता
१० वैशाख, काठमाडौं । भिवोर विकास बैंकले चालू आवको पहिलो ९ महिनामा १० करोड २८ लाख ४ हजार रुपैया खुद मुनाफा कमाएको छ । गत वर्षको सोही अवधिमा १६ करोड १७ लाख ९६ हजार रुपैयाँ खुद घाटामा रहेको बैंकले यो वर्ष ‘प्रोपिफट एण्ड लस एकाउण्ट’लाई धनात्मक बनाएको छ ।
अघिल्लो वर्ष खुद गैर सञ्चालन खर्च बापत झण्डै ११ करोड ६९ लाख रुपैयाँ ऋणात्मक रहेको बैंकले यो वर्ष गैरसञ्चालन आम्दानी बढाएको छ । खराब कर्जाको दर गत वर्ष १७ दशमलव १४ प्रतिशत रहेकोमा यो वर्ष झण्डै १४ प्रतिशत विन्दुले घटाएर ३ दशमलव ३५ प्रतिशतमा झारेको छ ।
तिव्र रुपमा वित्तीय स्वास्थय सुधार्न लागि परेको बैंक व्यवस्थापनले बैंकको सुधारका लागि सफलता पाउँदै गएको देखिन्छ । बैंकले निष्कृय कर्जाको १ सय ५ प्रतिशतभन्दा बढी प्रोभिजनीङ गरेको छ । त्यस्तै, सञ्चित घाटा पनि १७ करोड ४४ लाख रुपैयाँ घटाएर २८ करोड २५ लाख रुपैयाँमा झारेको छ । चैत मसान्तसम्म बैंकको कर्जा निक्षप अनुपात ७४ दशमलव ६७ प्रतिशत छ ।
बैंकले हालसम्म ४ अर्व १९ करोड रुपैयाँ निक्षेप संकलन गरी ३ अर्व ५४ करोड रुपैयाँ कर्जा प्रवाह गरेको छ ।
