काठमाडौं । नेपाल उद्योग वाणिज्य महासंघका कोषध्यक्ष ज्ञानेन्द्रलाल प्रधानले पदबाट राजीनामा दिएका छन् ।
आइतबार बसेको महासंघको कार्यकारिणी बैठकमा उनले महासंघको विरुद्धमा बोलेको अडियो रेकर्ड सुनाएर विवाद निकालेपछि कोषध्यक्ष पदबाट राजिनामा दिएका हुन् ।
बैंठक सुरु भएपछि कोषाध्यक्ष प्रधानले कृषि उद्यम केन्द्रको विषयमा मिडियामा दिएको सूचनाको अडियो महासंघ अध्यक्ष भवानी राणाले सुनाएपछि उनले राजीनामा दिएका हुन् ।
अध्यक्ष राणाले कृषि उद्यम केन्द्रमा भएको अनियमितताको विषयलाई लिएर प्रधानले बोलेको अडियो रेकर्ड मिटिङ्मै सुनाएका थिए ।
