काठमाडौं । संघीय संसदको अर्थ समितिले मेलम्ची खानेपानी आयोजना समयमै सम्पन्न गर्न निर्देशन दिएको छ ।
समितिको बिहीबार बसेको बैठकले खानेपानी मन्त्री, सचिव लगायत सम्बद्ध पदाधिकारी तथा नेपाल सरकारलाई निर्देशन दिएको हो । समितिले आयोजनाको काम तोकिएकै समयमा लागत नबढ्ने गरी सकाउन समेत निर्देशन दिएको हो ।
समितिले पछिल्लो समयमा सिर्जना भएको परिस्थिती माथी समयमै छलफल गरी आयोजना सम्पन्न गर्न निर्देशन दिएको हो ।
खानेपानी मन्त्री विना मगरले भने आयोजनामा भएको गतिविधिले काम नरोक्ने बताएकी थिईन । उनले अहिले काम गरिरहेको सिएमसीका ठेकेदारले काम छोडे पनि काम समयमै सम्पन्न हुने र नेपाललाई घाटा नहुने जानकारी दिएकी थिईन ।
मन्त्री मगरले आयोजनाको ९५ प्रतिशत भौतिक निर्माण पूरा भइसकेकाले बाँकी काम सरकार आफैँले गर्न सक्ने समेत बताएकी छिन ।
मन्त्री मगरका अनुसार मेलम्चीको बाँकी ५ प्रतिशत हेडवक्र्समा सामान्य काममात्र बाँकी छ । त्यसभित्र ८ सय मिटरजति सुरुङ ढलान, पर्खाल निर्माण लगायतका काममात्र बाँकी रहेको उनले जानकारी दिएकी छिन ।
